Mahazin «Akademičnaja kniha» zaprašaje: 2 sakavika na XXV Mižnarodnaj knižnaj vystavie ŭ Minsku, na stendzie vydaviectva «Technałohija», projdzie aŭtohraf-siesija Andrusia Horvata z nahody vychadu knihi «Radziva Prudok».

Žurnalist, dvornik, darmajed, haspadar, piśmieńnik… Aŭtar hetaj knihi — čałaviek, jaki šukaje svajo miesca ŭ śviecie. Takim miescam mahła stać utulnaja redakcyja staličnaha časopisa abo modny chipstarski kavorkinh. Ale stała dziedava chata na Paleśsi, na ŭskrajku Biełarusi, na skryžavańni suśvietaŭ.

Heta kniha nie pra toje, jak adnavić napaŭrazburany dom, sadžać aharod, daić kazu, žyć u vioscy i nie śpicca. Heta kniha pra toje, jak adnavić napaŭrazburanaha siabie. Moža być, jana pra toje, jak viarnucca da karanioŭ, da rodnaj moŭnaj i kulturnaj stychii i pra toje, jak važna nie zhubić babuliny apoviedy. A moža, pra toje, jak stać svaim dla samoha siabie.

XXV Mižnarodnaja knižnaja vystava projdzie ŭ 28 lutaha—4 sakavika ŭ vystavačnym centry «BiełEkspa» (pr. Pieramožcaŭ, 14).

Клас
0
Панылы сорам
0
Ха-ха
0
Ого
0
Сумна
0
Абуральна
0