Sprava ŭ tym, što ni Valer Vietraŭ ni adzin z bratoŭ Makoŭskich na hetuju pasadu pryznačanyja nie byli.
Pra heta «Rehijanalnaj haziecie» raskazaŭ namieśnik načalnika adździeła adukacyi, sporta i turyzma Mikałaj Šrymf.
- Chto, skažycie, heta prydumaŭ? Kab pryznačyć čałavieka na adpaviednuju pasadu, pavinien być zahad. A ni adnaho dakumienta nie było. Mužyki sabralisia na stadyjonie, niešta sami vyrašyli. Razduli skandał u internecie. Vidać, treba da kanca tydnia sustrecca ź imi, pahutaryć pa-mužčynski. Oj, dzieci.
Razmova pra źmienu trenieraŭ pačałasia paśla sustrečy Michaiła Makoŭskaha z fanatami.
Padčas sustrečy ŭ niadzielu, Michaił Makoŭski skazaŭ, što ŭsich čakaje na pieršaj treniroŭcy ŭ paniadziełak. Adnak, sam na treniroŭku nie pryjšoŭ. Jaje pravodziŭ brat Michaiła Uładzimir Makoŭski. Tam ža, na stadyjonie, pa słovach zaŭziataraŭ, jon pradstaviŭsia hałoŭnym trenieram.
Uviečary, u supołcy FK «Maładziečna» »U kantakcie» zaŭziatary nahadali, što Uładzimir ciaham piaci hadoŭ nie moža zajmacca kalafutbolnaj dziejnaściu.
I tut ža źjaviłasia infarmacyja pra toje, što trenieram stanie Valer Viatroŭ.
Siońnia ŭsio ž vyśvietliłasia, što zahadu pra pryznačeńnie kahości na pasadu treniera pakul nie było. Pytańnie zastajecca adkrytym, badaj, da kanca tydnia.
