U vialikim intervju dla rasijskaha vydańnia «Sport-Ekspres» biełaruski kamientatar Uładzimir Navicki raskazaŭ, jak vyvučyŭ biełaruskuju movu.
«Ja tady adpraviŭsia vučycca na žurfak. Skončyŭ z čyrvonym dypłomam. Na toj momant byŭ adzinym zavočnikam, kamu heta ŭdałosia. Na zavočnym vučacca jak — vy i bieź mianie ŭjaŭlajecie, nikomu tam nie patrebien čyrvony dypłom… Potym pryjšoŭ pracavać na TB, nie viedajučy ni słova pa-biełarusku. Skazali: «Chočaš pracavać u efiry — vučy movu». Vyvučyŭ! Kolki repartažaŭ na joj pravioŭ! A žonka padtrymlivała i tryvała», — skazaŭ Navicki. Praŭda, jon nie patłumačyŭ, čamu ciapier pierastaŭ vieści efiry pa-biełarusku.
Siarod inšaha Navicki ŭzhadaŭ jak vioŭ repartaž z Alimpijady ŭ Nahana z kiraŭnikom Biełarusi Alaksandram Łukašenkam: «Łukašenka vydatna raźbirajecca ŭ chakiei, uvieś čas jaho hladzić. Mnie zdavałasia — budzie vydatna dla telebačańnia, kali jon sam adčuje śpiecyfiku. A to pa druhi bok ekrana zdajecca, što heta vielmi lohka…»
Urešcie kamientatar raskazaŭ, što staŭ vielmi sientymientalnym, i časta płača. Kaža, što puściŭ ślazu, kali raźbiraŭsia ŭ niespraviadlivaści adłučeńnia rasijskich spartsmienaŭ Šypulina i Ana ad udziełu ŭ Alimpijadzie.
