Archiŭnaje fota TASS.

Archiŭnaje fota TASS.

Alaksandr Łukašenka padkreśliŭ, što kali b Biełarusi daručyli zhulać niejkuju rolu va ŭrehulavańni kanfliktu va Ukrainie, jana b vykonvała ŭsio nieabchodnaje, nie zajmajučy čyjuści pazicyju.

Pra heta Alaksandr Łukašenka zajaviŭ siońnia žurnalistam paśla hałasavańnia na vybarach u miascovyja Saviety deputataŭ, pieradaje BIEŁTA.

«Ja navat kazaŭ abodvum prezidentam, Parašenku i Pucinu: vy nie raźličvajcie na toje, što ja čyjści budu. Ja budu vyrazna vykonvać toje, pra što vy, dva prezidenty, damoviciesia: stać pamiž — ja stanu, damoviciesia vyvieści 10 tysiač uzbrojenych siłaŭ Biełarusi — my pastavim ich na miažy, dzie vy skažacie, — vobrazna vykazaŭsia Łukašenka. — Ale ja nie zmahu zrabić toje, pra što vy nie damoviciesia».

Pazicyja Biełarusi, padkreśliŭ Alaksandr Łukašenka, sumlennaja i ščyraja. «U advarotnym vypadku z našaj miratvorčaści tołku nie budzie, kali my zojmiem čyjuści pazicyju», — zajaviŭ kiraŭnik dziaržavy.

Jon skazaŭ, što jašče ŭ pieršy hod kanfliktu Biełaruś nakiravała svaje prapanovy, jak jaho možna ŭrehulavać. Adnak vysokapastaŭlenyja čynoŭniki z Brusiela ŭ toj čas nie pryniali ich. «I ja ciapier liču, što mnohija jeŭrapiejcy zacikaŭlenyja ŭ hetym kanflikcie, jak by jany siabie ni pradstaŭlali miratvorcami. Kali b pryniali — byŭ by varyjant, — pierakanany Łukašenka. — Siońnia viarnulisia da pałavinistaha varyjantu taho, što ja prapanoŭvaŭ: davajcie i biełarusaŭ ŭklučym (heta NATA prapanuje), tamu što im nibyta daviaraje Rasija».

Клас
0
Панылы сорам
0
Ха-ха
0
Ого
0
Сумна
0
Абуральна
0