Ministr abarony ZŠA Džejms Mecis.

Ministr abarony ZŠA Džejms Mecis.

«Što b ni adbyłosia, my pasprabujem heta vyśvietlić. My budziem supracoŭničać z kožnym, chto moža adkazać na hetaje pytańnie», — zajaviŭ ministr abarony ZŠA Džejms Mecis na borcie samalota, viartajučysia z aficyjnaj pajezdki ŭ Jeŭropu. Pra heta paviedamiła Deutsche Welle sa spasyłkaj na AFP ŭ niadzielu, 18 lutaha.

Metcis adznačyŭ, što rasijskija vajskoŭcy, jakija kaardynujuć dziejańni ŭ Siryi z amierykanskim bokam, imavierna, nie viedali, što pad udar mohuć patrapić rasijanie. U toj ža čas paciarpiełyja ad udaru hramadzianie RF «atrymlivali ŭkazańni ad kahości», upeŭnieny Mecis.

Jon sumniajecca ŭ tym, što «250—300 čałaviek z ułasnaj inicyjatyvy raptam pierajšli praz raku i, trapiŭšy na varožuju terytoryju, pačali abstreł».

7 lutaha mižnarodnaja kaalicyja na čale z ZŠA naniesła ŭdar pa atradach, jakija nastupali na pazicyi sajuznych im «Siryjskich demakratyčnych sił». Paśla hetaha amierykanskija i rasijskija ŚMI paviedamili, što ŭ vyniku ŭdaru zahinuli rasijskija najmity z tak zvanaj pryvatnaj vajskovaj kampanii Vahniera.

Maskva paćvierdziła hibiel tolki piaci hramadzian Rasii padčas hetaha ŭzbrojenaha sutyknieńnia ŭ Siryi.

U Rasii apublikavany śpis bajcoŭ, što «prapali bieź viestak» pad Chišamam u Siryi. U im 74 proźviščy

«Kommiersant»: Rasijskija najmity zahinuli ŭ Siryi pry sprobie zachapić naftazavod biez dazvołu kamandavańnia

«Chaču, kab urad adpomściŭ za ich» — intervju z udavoj rasijskaha najmita z pryvatnaj armii Vahniera, jaki zahinuŭ u Siryi

Клас
0
Панылы сорам
0
Ха-ха
0
Ого
0
Сумна
0
Абуральна
0