Administracyja ZŠA pa kantroli za praduktami i lekami ŭchvaliła analizy kryvi, jakija ŭ mnohich vypadkach mohuć zamianić tamahrafiju. Prosty test z amal stoadsotkavaj efiektyŭnaściu pakazvaje na toje, ci mieŭ pacyjent strasieńnie mozha.

Kali sprava dachodzić da strasieńnia mozha, jon pačynaje vyłučać u kroŭ dva białki — UCH-L1 i GFAP. Hruntujučysia na hetych viedach, śpiecyjalisty Banyan Biomarkers raspracavali prosty test, jaki dazvalaje vyjavić ich pavyšany ŭzrovień. Heta možna nazirać užo praz 15—20 chvilin paśla traŭmy, tamu test dapamahaje zrabić vielmi chutkuju dyjahnostyku.

Tamahrafija ŭ ciapierašni čas najbolš časta vykarystoŭvajecca ŭ dyjahnostycy. Hety mietad darahi i mienš biaśpiečny dla zdaroŭja (padviarhaje pacyjenta niehatyŭnym renthienaŭskim promniam).

Test praryŭny i tamu, što jon značna skarocić vydatki na kliniki i balnicy. CNN paviedamlaje, što ŭ ZŠA tamahrafija kaštuje špitalu ad 800 da 1500 dalaraŭ, a analiz kryvi — 150 dalaraŭ.

Pakul što analizy kryvi na strasieńnie mozha buduć pravodzicca ŭ ZŠA i zamiežnych vajskovych abjektach i bazach, jakija naležać ZŠA.

Клас
0
Панылы сорам
0
Ха-ха
0
Ого
0
Сумна
0
Абуральна
0