Pa papiarednich dadzienych, rankam 16 lutaha vychavalnica i nianiečka dziciačaha sada, viartajučysia sa špacyru z małodšaj hrupaj, zaŭvažyli, što siarod dziaciej niama adnoj ź dziaŭčatak 2014 hoda naradžeńnia. Vychavalniki pajšli šukać jaje i znajšli jaje na śniezie biez prytomnaści. U dziciačy sad vyklikali chutkuju dapamohu. Lekary kanstatavali śmierć dziciaci.
Raspačata kryminalnaja sprava pa artykule «pryčynieńnie śmierci pa nieaściarožnaści praź nienaležnaje vykanańnie asobaj svaich prafiesijnych abaviazkaŭ».
Zaraz u dziciačym sadzie pracujuć śledčyja. Jany dapytvajuć supracoŭnikaŭ i kiraŭnictva, a taksama adbirajuć zapisy z kamier videanazirańnia i dakumienty. SK pravieryć, jak rabotniki dziciačaha sadka vykonvali svaje abaviazki, miery biaśpieki i ci byli dastatkova kvalifikavanyja.
Trahiedyja adbyłasia ŭ horadzie Maskoŭski, jaki ŭvachodzić u skład Novaj Maskvy. Vychavalniki zabylisia zahinułuju dziaŭčynku na vulicy. Ranicaj jany vyvieli dziaciej na špacyr, a potym paviali śniedać. Adnoj ź dziaŭčynak na śniadanku nie było, ale heta zaŭvažyli tolki praź dźvie hadziny. Nieŭzabavie dzicia znajšli miortvym za hurbaj.