Ministerstva finansaŭ Hruzii vystupiła z novaj padatkovaj inicyjatyvaj, jakaja praduhledžvaje ŭstanaŭleńnie lhot dla drobnych pradprymalnikaŭ, paviedamlaje «Hruzija Online».
Zhodna ź inicyjatyvaj padatkovaj reformy, u jakaści drobnych pradprymalnikaŭ zmohuć zarehistravacca asoby, dachody ad ekanamičnaj dziejnaści jakich nie pieravyšajuć 200 tysiač dalaraŭ u hod (raniej heta było 40 tysiač dalaraŭ u hod). U toj ža čas, dla drobnych pradprymalnikaŭ budzie ŭstanoŭleny «biesprecedentny lhotny režym», i ŭstanoŭlenaja dla ich padatkovaja staŭka budzie źnižana ŭ piać razoŭ — z 5% da 1%.
Taksama kasujecca praktyka papiaredniaj vypłaty padatkaŭ i drobnyja pradprymalniki buduć płacić 1% padatku na abarot tolki ŭ kancy miesiaca. U toj ža čas, drobnyja pradprymalniki buduć vyzvalenyja ad «vytvorčaści usialakaj dadatkovaj buchhałteryi», i jany buduć abaviazany vykarystoŭvać tolki kantrolna-kasavy aparat i tavarnyja nakładnyja.
