Uviečary 16 lutaha ŭ punkcie propusku Bierastavica rasijanin sprabavaŭ praz punkt propusku prarvacca ź Biełarusi ŭ Polšču, paviedamlaje Dziaržaŭny pahraničny kamitet.
Pahraničny narad źviarnuŭ uvahu na lehkavy aŭtamabil «Fiat», jaki ruchaŭsia ŭ nakirunku punkta propusku z chutkaściu kala 120 km/h. Pamiežniki pryviali ŭ dziejańnie srodak prymusovaha spynieńnia. Kiroŭca praciahnuŭ ruch, ździejśniŭšy najezd na srodak prymusovaha spynieńnia i źbiŭ zakryty šłahbaŭm. U vyniku aŭtamabil atrymaŭ mocnyja miechaničnyja paškodžańni, a kiroŭca — traŭmy ŭ vyhladzie udaraŭ i drapin.
Kiroŭcu pahražaje maksimalnaje pakarańnie ŭ vyhladzie pazbaŭleńnia voli na termin da dvuch hadoŭ.
0
0
0
0
0
0
