Prezident Francyi Emanuel Makron pryhraziŭ nanieści ŭdar pa Siryi, kali režym budzie vykarystoŭvać suprać mirnych žycharoŭ chimičnuju zbroju.

Pra heta paviedamlaje France24.

«Što da chimičnaj zbroi, to ja pravioŭ čyrvonuju liniju i prytrymlivajusia hetaj čyrvonaj linii. Kali my atrymajem pierakanaŭčyja dokazy, što vykarystoŭvajecca zabaronienaja dahavorami chimičnaja zbroja, my ŭdarym tudy, dzie heta zbroja praviedziena», — zajaviŭ Makron.

«Na siońniašni dzień našy ahienctvy, našy ŭzbrojenyja siły nie vyznačyli, što zabaronienaja dahavorami chimičnaja zbroja vykarystoŭvałasia suprać cyvilnaha nasielnictva», — dadaŭ jon.

Siryjski ŭrad nieadnarazova admaŭlaŭ vykarystańnie chimičnaj zbroi i zajaŭlaŭ, što nanosić udary tolki pa paŭstancach i bajevikach.

Nahadajem, śpiecyjalisty Arhanizacyi pa zabaronie chimičnaj zbroi ŭ ramkach łabaratornych daśledavańniaŭ dakazali, što ŭrad Siryi datyčny da chimičnych napadaŭ suprać mirnych žycharoŭ.

Клас
Панылы сорам
Ха-ха
Ого
Сумна
Абуральна