Na 15 lutaha zapłanavany strajk taksistaŭ, jakija pracujuć na słužbu 135. Kiroŭcy niezadavolenyja novymi taryfami kampanii.

Ilustracyjnaje fota

Ilustracyjnaje fota

Pra pryčyny zabastoŭki «Našaj Nivie» raspavioŭ adzin z kiroŭcaŭ:

«Amal uvieś minuły hod my vazili pasažyraŭ pa 60 kapiejek za kiłamietr. Paśla ceny źbiralisia ŭzdymać, pryčym była damoŭlenaść pamiž słužbami 135, 152 i «Ałmaz 7788» (najbujniejšy dyśpietčar taksi, jaho kantraluje biznesmien Viktar Puzikaŭ — «NN»). U vyniku padniało tolki našaje kiraŭnictva. Stała 70 kapiejek za kiłamietr, — kaža surazmoŭca. — Ale dyrektar słužby vielmi pakryŭdziŭsia na kankurentaŭ i vyrašyŭ dempinhavać. Jon paniziŭ ceny, ciapier u nas pasadka kaštuje 4,5 rubla, a kiłamietr — 55 kapiejek. Heta tyja ž taryfy, što i ŭ «Ałmaza», ale ž u ich lepšyja mašyny i lepšaje absłuhoŭvańnie. Pry adnolkavych cenach klijenty pojduć da nas».

Hałoŭnaja pretenzija kiroŭcaŭ da Radkieviča ŭ tym, što taryfy panizili, a z taksistaŭ za zakazy biaruć stolki ž.

«Kali ceny pavyšali, z nas taksama stali brać bolš — pa 1,3 rubla za zamovu. A ciapier taryfy źnizili, a z nas biaruć usio adno pa 1,3, — aburajecca kiroŭca. — Kali dyrektar nam reža taryfy, chaj i sabie štości reža. Ja pracuju pa 14—16 hadzin štodnia. Zusim biez vychodnych, absalutna. Za miesiac takoj pracy zarablaju $400—500».

Pa słovach surazmoŭcy, u zabastoŭcy płanuje pryniać udzieł jak minimum 400 taksistaŭ. Ahułam ža ŭ taksi 135 pracuje kala 1300 čałaviek.

Dadamo, što «Ubier» biare z pasažyraŭ 37 kapiejek za kiłamietr.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?