Ministr abarony Biełarusi Andrej Raŭkoŭ pasprabavaŭ patłumačyć, jakoje dačynieńnie da biełaruskaha vojska maje data 23 lutaha. Svaju arhumientacyju jon pryvioŭ u ramkach pres-kanfierencyi da «stahodździa biełaruskaha vojska».

fota Volha Šukajła, Tut.by

fota Volha Šukajła, Tut.by

«Čamu ŭ našaj krainie, jakaja maje šmatviekavuju historyju, stohadovy jubilej vojska adznačajecca mienavita ŭ 2018 hodzie?

Heta zakanamierna: naš narod bieraže historyju. I samyja jaskravyja padziei prypadajuć mienavita na XX stahodździe.

Respublika Biełaruś stała pierajemnicaj najlepšaha, što było ŭ Sajuzie. Była i zastajecca data 23 lutaha — data naradžeńnia Čyrvonaj armii. Armii, jakaja stała hałoŭnym faktaram zachavańnia biełaruskaha naroda ŭ tych umovach.

Taksama [Čyrvonaja armija] zabiaśpiečyła ŭźjadnańnie vialikaha biełaruskaha naroda ŭ 1939 hodzie.

Z 23 lutaha źviazana data stvareńnia armii, jakaja vyratavała čałaviectva ad fašyzmu. Savieckaja armija była hałoŭnym arhumientam, jaki zrabiŭ iracyjanalnym vialikuju vajnu [zamiest «chałodnaj»]», — skazaŭ ministr.

«Biełaruskaje vojska — pierajemnik usiaho najlepšaha, što było ŭ savieckim vojsku. My viernyja tradycyjam», — padsumavaŭ Raŭkoŭ. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?