Amierykanski juryst i ekanamist Łoŭrens Sełdan Bekaŭ (Bacow) abrany novym prezidentam Harvardskaha ŭniviersiteta, paviedamlajecca na sajcie hetaj navučalnaj ustanovy.
Łoŭrens Sełdan Bekaŭ naradziŭsia ŭ 1951 hodzie ŭ Detrojcie. Jaho baćki emihravali ŭ ZŠA ź Jeŭropy. Usie členy siamji jaho maci zahinuli ŭ Aśviencimie. Jak adznačajecca na sajcie, baćka Bekava pryjechaŭ u ZŠA ź Minska.
Bekaŭ atrymaŭ stupień bakałaŭra ekanomiki ŭ Masačusieckim technałahičnym instytucie, stupień Ph.D. (Anałah zvańnia kandydata navuk na postsavieckaj prastory) — u Harvardzie.
Bekaŭ 24 hady pracavaŭ prafiesaram u Masačusieckim technałahičnym instytucie, z 2001 da 2011 hoda źjaŭlaŭsia prezidentam pryvatnaha daśledčaha ŭniviersiteta Taftsa, paśla čaho pierajšoŭ u Harvard. Aficyjnaje ŭstupleńnie Bekava na pasadu adbudziecca 1 lipienia 2018 hoda, piša Tut.by.
