Byłoha prezidenta Hruzii Michaiła Saakašvili vypravadzili z Ukrainy ŭ Polšču. Pra heta na svajoj staroncy ŭ Facebook paviedamiŭ pamočnik kiraŭnika Dziaržaŭnaj pamiežnaj słužby Ukrainy Aleh Słabadzian.
«Vajskoŭcy Dziaržpahransłužby sumiesna z pradstaŭnikami mihracyjnaj słužby i Nacyjanalnaj palicyi daviali da Saakašvili rašeńnie kampietentnaha orhana pra jaho viartańnie ŭ krainu papiaredniaha znachodžańnia. Adnak padčas vykanańnia pracedury na pradstaŭnikoŭ pravaachoŭnych orhanaŭ nakinulisia nieviadomyja z akružeńnia Michaiła Saakašvili. Pamiežniki vymušany byli abaraniacca i ŭžyli siłavuju padtrymku», — napisaŭ jon.
«Ukrainskaja praŭda» paviedamlaje, što Saakašvili vyvieźli z aeraporta «Baryspal» čartarnym samalotam, jaki kala 18.45 pavinien byŭ pryziamlicca ŭ aeraporcie imia F. Šapena ŭ Varšavie.
Saakašvili byŭ zatrymany ŭ adnym z restaranaŭ Kijeva dniom 12 lutaha. Na śpiecnazaŭcach, jakija zatrymali palityka, byli kurtki Dziaržaŭnaj pahraničnaj słužby Ukrainy.
