Siońnia z vakna internata BDU na vulicy Kastryčnickaj upaŭ chłopiec i raźbiŭsia naśmierć, paviedamlaje Tut.by.
Pavodle infarmacyi čytačoŭ, cieła znajšli kala ŭvachodu ŭ budynak.
Viadoma, što zahinuŭ Jury Dz. Były student miechanika-matematyčnaha fakulteta.
Ale na siońnia chłopiec u BDU nie vučyŭsia. Na trecim kursie jon prypyniŭ vučobu, uziaŭ akademičny adpačynak.
U internacie Jury taksama ŭžo nie žyŭ.
Pa čutkach, udzień 12 lutaha jon zavitaŭ tudy da siabroŭki.
«Kažuć, što jon pryjšoŭ da dziaŭčyny ŭ hości. Jany vyjšli na bałkon — u nas vychady tudy adčynienyja, i tam jość pakoj pamiž bałkonam i pažarnaj leśvicaj dzie možna «adasobicca». Jany pasvarylisia i na vačach dziaŭčyny chłopiec skoknuŭ uniz», — kažuć studenty.
Rodam Jury byŭ ź vioski Małachoŭcy, Baranavickaha rajona. Zvyčajny chłopiec. Aktyvistam nie byŭ, debašyram taksama, kažuć pra jaho ŭ BDU.
Juryju było 22 hady.
Śledčyja pakul nie ahučvajuć dakładnyja padrabiaznaści zdareńnia.
