U paniadziełak, 12 lutaha, nabyli moc papraŭki ŭ Kodeks ab telebačańni i radyjo, jakija zabaraniajuć małdaŭskim telekanałam pakazvać rasijskija naviny i infarmacyjna-analityčnyja prahramy, paviedamlaje NewsMaker.
Kaardynacyjnaja rada pa telebačańni i radyjo Małdovy praviadzie manitorynh telekanałaŭ, kab pravieryć, ci vykonvajecca zakanadaŭstva. «Heta budzie raptoŭny manitorynh, kab telekanały nie viedali, kali my budziem ich praviarać. I my zrobim heta vielmi chutka», — adznačyli ŭ radzie.
Zakon, jaki zabaraniaje retranślacyju ŭ Małdovie rasijskich navin, byŭ apublikavany 12 studzienia. ŚMI dali 30 dzion, kab pryvieści svaju dziejnaść u adpaviednaść z novymi aŭdyjavizualnymi normami. Za parušeńnie zakona praduhledžany sankcyi ŭ vyhladzie štrafaŭ i pazbaŭleńnia licenzii.
