U niadzielu 11 lutaha na budaŭničaj placoŭcy handlova-zabaŭlalnaha kompleksu, padčas rabot pa ŭstanoŭcy šumaachoŭnych ekranaŭ, rabotniki znajšli pareštki, jak miarkujecca, traich sałdat časoŭ Vialikaj Ajčynnaj vajny, paviedamlaje Hrodna.life.
Usie raboty na miescy znachodki byli prypynienyja. Na miesca prybyli kiraŭniki budaŭnictva, a taksama pra incydent paviedamili ŭ milicyju, Śledčy kamitet i Kamitet sudovych ekśpiertyz.
«Pareštki, a taksama vajskovuju amunicyju, vyjavili našy budaŭniki, kali kapali šurfy dla ŭstanoŭki šumaachoŭnych ekranaŭ. Koŭš ekskavatara razam ź ziamloj dastaŭ usio heta, — raspaviadaje markietołah handlova-zabaŭlalnaha kompleksu Siarhiej Ivanoŭ. — Ździŭleńnie, viadoma, było nievierahodnaje — takija znachodki nie kožny dzień adbyvajucca. My pastavilisia z usioj uvahaj i paviedamili zacikaŭlenym słužbam.
My ličym, što heta vielmi važnaja znachodka i z usioj pavahaj stavimsia da znojdzienych pareštkaŭ. Upeŭnienyja, što paśla ŭsich ekśpiertyz jany buduć naležnym čynam pierapachavanyja, a rodnyja zahinułych zmohuć daviedacca pra los tych, chto zahinuŭ. Na ščaście, supracoŭniki Kamiteta sudovych ekśpiertyz vyjavili ŭ ziamli adzin z sałdackich miedaljonaŭ, jakija bajcy nasili pry sabie ŭ Vialikuju ajčynnuju».
Na čas usich archieałahičnych ekśpiertyz budaŭničyja raboty na ŭčastku buduć prypynienyja. Na tempach budaŭnictva handlova-zabaŭlalnaha centra heta nie adabjecca — pareštki byli znojdzieny ŭ baku ad asnoŭnaj budaŭničaj placoŭki.
