16 lutaha kultavy ŭkrainski hurt «Vopli Vidaplasava» zavitaje ŭ Minsk z nastalhična-futurystyčnym šou «XX Rockiv albom». Kancert projdzie ŭ kancertnaj zale «Prajm Choł» (pr.Pieramožcaŭ, 65) i budzie pryśviečany 20-hodździu alboma «Muzika». 

Napiaredadni hetaha śviata muzyki, enierhii i vydatnaha nastroju zhadajei niekalki redkich faktaŭ pra hurt «Vopli Vidaplasava» i jaho tvorčaść, jakija, mahčyma, stanuć dla vas adkryćciom.

1. Hurt stvaryŭ vodapravodčyk

Pry ŭsioj fienamienalnaści «VV», nichto z zasnavalnikaŭ hurta nie mieŭ muzyčnaj adukacyi. Prosta adnojčy travieńskim dniom u ścienach kijeŭskaha Politechničnaha instytuta dva čałavieki, vadapravodčyk Juryj Zdarenka i Alaksandr Pipa stvaryli hrupu i šukali vakalista. A Aleh Skrypka, u svaju čarhu, šukaŭ miesca dla prykładańnia svaich talentaŭ. Tak usio i skłałasia.

Pieršyja pieśni hurt zapisvaŭ na kuchni Zdarenki na samy zvyčajny mahnitafon «Majak».

2. Nazva «Vopli Vidaplasava» — z Dastajeŭskaha

Nazvu hurt uziaŭ u kłasika ruskaj litaratury Fiodara Dastajeŭskaha. U jaho apovieści «Siało Ściapančykava i jaho nasielniki» byŭ piersanaž, lokaj Vidaplasaŭ, jaki nazyvaŭ svaje opusy «voplami»…

3. Pieršy hanarar VV byŭ 30 rubloŭ

1987 hod staŭ dla hurta losavyznačalnym: adbyŭsia ich pieršy publičny vystup na fiestyvali kijeŭskaha rok-kłuba. I adrazu ž — pieramoha ŭ naminacyjach «Hurt hoda» i «Pieśnia hoda» — «Płač Jarasłaŭny». Za premijalnyja 30 rubloŭ muzyki heta i adśviatkavali.

4. Pieršy albom VV byŭ zapisany vypadkova

U 1991 hodzie «Vopli Vidaplasava» vystupili na mižnarodnym fiestyvali ŭ Francyi. Tam ža byŭ vypadkova zapisany ich pieršy albom «Abo Abo». Prosta francuzski hukaapieratar ustaviŭ u kancertny pult bytavuju kasietu Maxell i zrabiŭ zapis. A ŭ 1995-m francuzskaja publika zały Sentier des Halles stojačy apładyravała hurtu 15 viečaroŭ zapar.

5. Albom «Muzika» palacieŭ u kosmas

Albom «Muzika» ź pieśniaj «Viesna» prynios hurtu try ŭznaharody na fiestyvali «Taŭryjskija hulni» i palacieŭ u kosmas u 1997 hodzie ź pieršym ukrainskim kasmanaŭtam Leanidam Kadzieniukom. A videaklip na pieśniu «Viesna» z hetaha alboma — niaźmienny finalny numar ŭsich kancertaŭ «VV» — staŭ pieršym ukrainskim videa ŭ ratacyi rasijskaha MTV.

6. U honar VV nazvanaja zorka

Heta adbyłosia ŭ 2002-m. Suśvietny kamitet kosmasu nazvaŭ zorku ŭ suzorji Lira ŭ honar hurta - Vopli Vidoplasova.

7. Rekord alboma «Muzika» dahetul nie pabity

Albom byŭ pradadzieny va ŭsim śviecie tyražom bolš za 1 miljon asobnikaŭ i da hetaha času rekord nie zmoh pabić nivodzin kalektyŭ na ŭsioj postsavieckaj prastory.

A «VV» čakaje minčukoŭ i haściej u «Prajm Chole» 16 lutaha.

Kvitki možna kupić anłajn.

Jość i siurpryzy dla čytačoŭ NN. Zaŭtra — 13 lutaha — apošni dzień konkursu, jaki my ładzim razam z «VV». Nie prapuścicie!

Клас
Панылы сорам
Ха-ха
Ого
Сумна
Абуральна