U Minsku prachodzić akcyja «Sełfi niezaležnaści», padčas jakoj fatahrafujucca la budynkaŭ na praśpiekcie Niezaležnaści. Akcyja prymierkavana da 100-hodździa abviaščeńnia niezaležnaści BNR. Adzin ź inicyjataraŭ akcyi — Pavieł Sieviaryniec. Sełfi pačalisia ad budynka Fiłarmonii (Niezaležnaści, 50), kožny dzień udzielniki fatahrafujucca kala budynka ŭ advarotnym adliku (№49, №48) i h.d. Naprykład, u čaćvier fatahrafavalisia la ŭvachodu ŭ biełaruskamoŭnuju himnaziju №23 (pr. Niezaležnaści, 45).
9 lutaha, u ramkach akcyi, hrupa z 12 čałaviek zrabiła sełfi la kaścioła sv. Rocha abo, jak jaho taksama nazyvajuć, kaścioła na Załatoj Horcy (Niezaležnaści, 44a). U sełfi la kaścioła pryniała ŭdzieł kiraŭnik «Tavarystva biełaruskaj movy imia Franciška Skaryny», deputat Alena Anisim, piša katolik.life.
