Na šerahu prakramloŭskich sajtaŭ źjaviłasia navina — adna z najbujniejšych palityčnych sił u Biełarusi pryznała Krym rasijskim. Takija publikacyi možna było pabačyć i na EurAsia Daily, i na sajcie sieparatystaŭ NewsFront, i na niekatorych inšych resursach.
Usie hetyja krynicy spasyłalisia na ŭkrainski apazicyjny sajt «Hołas praŭdy», jaki byŭ stvorany ludźmi, blizkimi da byłoj kirujučaj «Partyi rehijonaŭ».
«Hołas praŭdy» piša, što Respublikanskaja partyja pracy i spraviadlivaści, jakaja źjaŭlajecca nibyta «adnoj z najbujniejšych palityčnych sił u Biełarusi», pryznaje Krym rasijskim. «Hołas praŭdy» spasyłajecca na adno ź intervju lidara hetaj partyi Vasila Zadniapranaha.
Vasil Zadniaprany
Partyja, čyju nazvu ź ciažkaściu ŭzhadajuć navat biełaruskija palityčnyja ekśpierty, apisvajecca jak «adna z najbujniejšych palityčnych sił u Biełarusi».
Prapahandysty pišuć, što partyja «mieła značnaje pradstaŭnictva ŭ biełaruskim parłamiencie na praciahu niekalkich sklikańniaŭ».
Za lidaraŭ mierkavańnia vydajecca partyja, jakaja za 6 sklikańniaŭ Pałaty pradstaŭnikoŭ mieła tolki 7 deputataŭ.