Milicyja zatrymała chłopca, jaki napiaredadni Novaha hoda napaŭ na pažyłuju žančynu ŭ padjeździe na Kujbyšava i zabiŭ jaje. Pra heta paviedamlaje HUUS Minharvykankama.
Jak paviedamlałasia, 29 śniežnia z 17 da 18 hadzin jon napaŭ u padjeździe doma №95 pa vulicy Kujbyšava na 74-hadovuju žančynu. Jon nanios joj 20 udaraŭ nažom u žyćciova važnyja orhany, pieravažna ŭ tvar i šyju. Ad atrymanych ran žančyna pamierła. Na miescy złačynstva zabojca zabyŭsia nožny.
Niadaŭna chłopca zatrymała milicyja. Heta 29-hadovy minčuk, jaki raniej nieadnarazova pryciahvaŭsia da kryminalnaj adkaznaści za ŭčynieńnie kradziažoŭ, taksama nieadnarazova pryciahvaŭsia da administracyjnaj adkaznaści za raśpićcio śpirtnych napojaŭ u hramadskim miescy, znachodžańnie ŭ stanie ałkaholnaha apjanieńnia ŭ hramadskim miescy, siamiejnyja skandały. Raniej znachodziŭsia na ŭliku ŭ psichanieŭrałahičnym dyspansiery.
Jak vyśvietliłasia, jašče ŭ mai minułaha hoda napaŭ z nažom na inšuju žančynu i skraŭ jaje majomaść. Tady na miescy ździajśnieńnia złačynstva mužčyna pakinuŭ frahmient ad kuchonnaha naža, jaki adłamaŭsia ŭ vyniku ŭdaru.
