Na bazie DU «Respublikanski kliničny miedycynski centr» Kiraŭnictva spraŭ prezidenta Respubliki Biełaruś daktarami samastojna była vykanana pieršaja robat-asistavanaja apieracyja z vykarystańniem rabatyčnaha kompleksu Senhance Surgery kampanii TransEnterix, paviedamlaje aficyjnaja supołka chirurhičnaha adździaleńnia ŭ fejsbuku.
Pieršaja robat-asistavanaja apieracyja była cholecystektamija (vydaleńnie žoŭcievaha puzyra).
«Šmatrazovyja i sterylizavanyja pryłady dazvalajuć całkam «biazbolna» etapna ruchacca dalej i pierachodzić na bolš składanyja ŭmiašańni. Uražańni samyja stanoŭčyja, dakładnaje kiravańnie kamieraj rucham vačej, lohka kiravanyja instrumienty, zvarotnaja suviaź, mahčymaść dakładnaj precyzijnaj techniki, zručnaje stanovišča apieratara. Ciapier płany na vykarystańnie hetaha kompleksu samyja surjoznyja i nie tolki ŭ čeraŭnoj chirurhii. Start jość. U Respublicy Biełaruś pakładzieny pačatak rabatyčnaj chirurhii», — dzielacca ŭražańniami daktary.
