Kandydat u prezidenty Rasii Ksienija Sabčak vybačyłasia pierad ZŠA za mahčymaje ŭmiašańnie Maskvy ŭ vybary amierykanskaha prezidenta.
U efiry telekanała CNN jana zajaviła, što, kali rasijskija chakiery sapraŭdy paŭpłyvali na vybary, to «joj vielmi škada». Sabčak taksama zaklikała nie izalavać Rasiju, ale dać joj mahčymaść bolš udzielničać u mižnarodnych pracesach.
Ksienija Sabčak znachodzicca ŭ Złučanych Štatach, kudy jana pryjechała, kab naładzić niaŭradavyja suviazi z amierykanskaj administracyjaj. U ramkach hetaj pajezdki Sabčak naviedała «malitoŭny śniadanak» — štohadovaje mierapryjemstva, arhanizavanaje pratestanckimi supołkami ZŠA, na jakim prysutničaje prezident. Televiadučaja nazvała «malitoŭny śniadanak» biessensoŭnym.