Byłoha Viarchoŭnaha sudździu Anhlii i Uelsa łorda Hary Kienieta Vułfa pryznačyli hałoŭnym sudździoj novaha kamiercyjnaha suda ŭ Kazachstanie. Dapamahać jamu buduć vosiem inšych sudździaŭ i starejšych jurystaŭ z Brytanii, paviedamlaje Nv.ua sa spasyłkaj na The Times.
Hety sud stvaryli ŭśled za anałahičnymi sudami ŭ Sinhapury, Hankonhu, Dubai, Abu-Dabi i Katary ŭ ramkach prahramy madernizacyi z udziełam Mižnarodnaha finansavaha centra Astany — jaho chočuć zrabić viadučym finansavym centram Centralnaj Azii.
«Kazachstan maje vielizarnuju miažu z Kitajem i z Rasijaj, i Kitaj buduje novy šaŭkovy šlach, jaki prachodzić prosta praz hetuju krainu. Usio heta pryčyny, pa jakich heta moža pajści na karyść», — skazaŭ Vułf.
Usie brytanskija sudździ buduć vykarystoŭvać brytanskaje ahulnaje prava, što skaža «ab niezaležnaści suda i kvalifikacyi jaho sudździaŭ».
U aŭtarytetny skład brytanskich sudździaŭ i jurystaŭ ŭvachodziać ser Robin Jakab, ser Styvien Ryčards, ser Džek Bitsan, ser Rupiert Džeksan, daradcy karalevy łord Fołks, Endru Śpink, Tom Montah-Śmit, a taksama Patrycyja Edvards. Bitsan i Džeksan ŭstupiać u pasadu, kali pojduć na piensiju z Apielacyjnaha suda ŭ hetym i nastupnym miesiacy adpaviedna. Kansultatyŭnuju radu ŭznačalić savietnik karalevy Majkł Błer.