Biełaruskija NPZ pavinny mieć alternatyŭnyja krynicy pastavak nafty, zajaviŭ namieśnik premjer-ministra Uładzimir Siamaška na padahulniajučaj kalehii savieta kancerna «Biełnaftachim», piša BiełTA
Uładzimir Siamaška kanstatavaŭ, što ŭ 2017 hodzie AAT «Naftan» i Mazyrski NPZ atrymali dla pierapracoŭki 18 młn t rasijskaj nafty. U hetym hodzie ličba budzie takaja ž, što adpaviadaje damoŭlenaściam z Rasijaj.
«Ale pavinny być varyjanty, heta vidavočna dla dyrektaraŭ NPZ, kiraŭnictva kancerna «Biełnaftachim» z ulikam pastaŭlenych pierad halinoj zadač», - adznačyŭ jon. U minułym hodzie ŭ ramkach dyviersifikacyi krynic vuhlevadarodnaj syraviny byli arhanizavany pastaŭki iranskaj nafty.
Vice-premjer padkreśliŭ, što ŭsie pytańni pa nafcie z Rasijaj urehulavany da 2024 hoda ŭklučna. Ź Biełarusi źniata abaviazacielstva štohod pastaŭlać u Rasiju 1 młn t naftapraduktaŭ u hod, kali b hetyja pastaŭki byli abaviazkovymi, heta mahło b pryvieści da strat u pamiery $150 młn u hod.
