Pradstaŭniki Respubliki Kareja i KNDR projduć na cyrymonii adkryćcia zimovych Alimpijskich hulniaŭ u Pchiončchanie pad adzinym ściaham. Adpaviednaja damoŭlenaść była dasiahnuta siońnia pa vynikach mižkarejskich pieramovaŭ na pracoŭnym uzroŭni ŭ pamiežnym punkcie Pchanmundžom, paviedamlaje ahienctva Renchap.

Ściah, pad jakim pojduć spartoŭcy, nie naležyć anivodnaj ź dźviuch karejskich dziaržaŭ, jakija dahetul farmalna nie padpisali mirnaha traktatu paśla zakančeńnia Karejskaj vajny. Jak čakajecca, jon budzie biełaha koleru z błakitnym konturam usiaho Karejskaha paŭvostrava.

Akramia taho, baki dasiahnuli pahadnieńnia ab sfarmavańni abjadnanaj žanočaj chakiejnaj kamandy, jakaja vystupić na zimovych Alimpijskich hulniach. U adpaviednaści z sumiesnaj zajavaj, KNDR adpravić na zimovuju Alimpijadu ŭ Pchiončchanie hrupu padtrymki z 230 čałaviek i demanstracyjnuju kamandu spartsmienaŭ pa tchekvando ŭ składzie 30 atletaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0