Bolšaść udzielnikaŭ nacyjanalnaha adboru na «Jeŭrabačańnie-2018» hatovyja admovicca ad baraćby, kali ŭ finale budzie vystupać ukrainski vykanaŭca Alekseev. Pra heta paviedamiŭ pradziusar Alaksandr Słucki.

uznayvse.ru

uznayvse.ru

Udzielniki adboru napisali list u adras Biełteleradyjokampanii. U im śćviardžajecca, što vykanaŭcy nie padpišuć damovu «na ŭdzieł u finalnaj častcy nacyjanalnaha adboru da momantu pryniaćcia BTRK sumlennaha i spraviadlivaha rašeńnia — dyskvalifikacyi artysta Mikity Alaksiejeva».

Pryčyna kanfliktu — u roznaj traktoŭcy pieśni Forever, ź jakoj vystupaje Alekseev.

Pa słovach Alaksandra Słuckaha, jość masa dokazaŭ parušeńnia rehłamientu adboru. Havorka idzie pra nastupnyja vypadki. 18 maja 2017 hoda na kancercie ŭ Kijevie ŭ ramkach ŭsieŭkrainskaha tura «Pjanaje sonca» śpiavak upieršyniu vykanaŭ pieśniu «Navsiehda», praŭda, na ruskaj movie. Akramia taho, jana prahučała 23 maja na kancercie ŭ Staŭrapali, Rasija (na momant publikacyi va «Ukantakcie» była dastupnaja amatarskaja zdymka z vystupu).

Na dumku aŭtaraŭ lista, Forever — heta viersija pieśni «Navsiehda», tolki pierakładzienaja na anhlijskuju, trochi pieraaranžyravanaja i skaročanaja.

Alaksandr Słucki pryvodzić prykłady dźviuch situacyj, jakija, na jaho pohlad, padobnyja ź ciapierašniaj:

«U 2015-m Alaksandr Saładucha padaŭ svaju zajaŭku na ŭdzieł u adnym z adboraŭ. Da prasłuchoŭvańnia vyśvietliłasia, što jon śpiavaŭ hetuju pieśniu na niejkim kancercie. Jaho mamientalna źniali z prasłuchoŭvańnia. Druhi prykład — Alaksiej Hros. U 2013-m jaho kamanda kupiła ŭ zamiežnych aŭtaraŭ pieśniu, ź joj vykanaŭca vyjšaŭ u finał. Potym vyśvietliłasia, što hetaja pieśnia ŭžo hučała ŭ adnym z adboraŭ u inšaj krainie. Hrosa adrazu adchilili ad udziełu. Čym taki asablivy Alekseev, što ŭsie zapluščvajuć vočy na ŭsie jaho parušeńni?».

«My tracim šalonyja hrošy, i statystami być nie chočacca, — dadaje Alaksandr Słucki. — Nichto z nas nie moža supraćstajać kamandzie Mikity Alaksiejeva. Tam vielmi vialikija srodki, vielmi vialikaja fan-baza. U nivodnaha ź biełarusaŭ jaje być nie moža».

Pa słovach Alaksandra Słuckaha, na dadzieny momant list jašče nikim nie padpisany. Vykanaŭcy adpravili jaho ŭ elektronnym vyhladzie na adras Biełteleradyjokampanii dla aznajamleńnia. Abmiarkoŭvać usie sprečnyja momanty płanujecca zaŭtra, 16 studzienia, padčas losavańnia nacyjanalnaha adboru. Tady ž śpievaki i pradstaŭniki ich kamandy płanujuć pradstavić nataryjalna aformlenyja dokazy svajoj pravaści i «mirna abmierkavać ź Biełteleradyjokampanijaj hety momant».

Jak adznačyŭ Słucki, pretenzii da vykanaŭca Alekseev padtrymlivajuć Hiunieš, Napoli, Sofja Łapina, Nastaśsia Małaškievič, Aleh Hit i Kirył Jermakoŭ.

Što da inšych udzielnikaŭ, to, pa słovach našaha surazmoŭcy, hrupa Shuma zaraz znachodzicca na kancercie ŭ Kijevie, źviazacca ź joj nie atrymałasia. Hrupa «Radyjochvala» spačatku padtrymlivała pretenzii, vykładzienyja ŭ liście, ale potym pamianiała svaju pazicyju. Pradziusier hrupy Adagio Jaŭhien Alejnik vyjšaŭ z ahulnaha čata ŭ sacyjalnych sietkach i nie patłumačyŭ svaju pazicyju, a Alaksandra Tkač źjaŭlajecca niepaŭnaletniaj.

U kamientary Tut.by pijar-mieniedžar i kaardynatar ALEKSEEV pa Biełarusi Siarhiej Andryjanaŭ adznačyŭ, što «pieśnia Forever ŭpieršyniu była vykananaja 11 studzienia ŭ adboračnym tury biełaruskaha adboru na «Jeŭrabačańnie», jaje studyjnaja viersija vyjšła ŭ śviet 9 studzienia 2018 hoda.

Pieśnia «Nazaŭždy» ŭ demaviersii była raspaŭsiudžanaja 4 vieraśnia, studyjny aryhinał — 9 listapada. Sprečka idzie nakont dvuch vykanańniaŭ pieśni pad rajalny akampaniemient na kancertach u Kijevie (18 maja) i Staŭrapali (23 maja). My śćviardžajem, što hetaja viersija, vykananaja na hetych kancertach, nie źjaŭlajecca ni pa muzycy, ni pa słovach tym tvoram, jaki my pradstavili dla adboru na «Jeŭrabačańnie-2018», i heta paćviardžajuć dahavory z roznymi aŭtarami hetych dvuch tvoraŭ».

«Upeŭnienyja, što hety momant možna dakazać, razabraŭšy hetyja dźvie pieśni (rajalnuju kancertnuju viersiju «Navsiehda» i konkursnuju Forever) pa notach i ŭbačyć roźnicu - dadaje Andryjanaŭ. - My ličym, što dalejšaje raźbiralnictva pa hetych pytańniach pavinna pierajści ŭ jurydyčnuju płoskaść. Razumiejem, što ni Biełteleradyjokampanija, ni EBU nie dapuściać nijakaha parušeńnia ŭ rehłamiencie i prymuć jurydyčna abhruntavanaje rašeńnie».

Na momant publikacyi Tut.by nie zmoh atrymać kamientar pres-słužby Biełteleradyjokampanii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?