Byłaja infarmatarka WikiLeaks Čełsi Meninh, jakaja adbyła 7 hadoŭ u vajennaj turmie pa abvinavačvańni ŭ razhałašeńni dziaržaŭnaj tajamnicy, choča pryniać udzieł u vybarach u sienat ZŠA ŭ jakaści kandydata ad Demakratyčnaj partyi, paviedamlaje Reuters.
Čełsi Meninh
Da apieracyi pa źmienie połu Bredli Meninh pracavaŭ analitykam vyviedki ŭ Iraku. U 2013 hodzie jon byŭ asudžany vajskovym trybunałam za špijanaž i pieradaču bolš za 700 000 dakumientaŭ WikiLeaks, mižnarodnaj arhanizacyi, jakaja publikuje infarmacyju z ananimnych krynic.
Užo ŭ jakaści transhiendara Meninh była pamiłavanaja byłym prezidentam ZŠA Barakam Abamam i vyzvalenaja ŭ minułym traŭni z vajennaj turmy ZŠA ŭ Kanzasie, dzie jana adbyvała prysud 7 hadoŭ źniavoleńnia.
Bredli Meninh
Kankurentam Meninh źjaŭlajecca sienatar-demakrat Ben Kardzin, jaki ŭpieršyniu byŭ abrany ad štata Merylend ŭ 2006 hodzie, byŭ pieraabrany ŭ 2012 hodzie i budzie bałatavacca ŭ hetym hodzie.
Štat Merylend viadomy značnaj pieravahaj demakratyčnaha elektaratu nad respublikanskim. U apošnich vybarach Kardzin pieramoh svajho respublikanskaha supiernika z roźnicaj u 30 pracentaŭ hałasoŭ.
