U Brahinskim rajonie zastrelili vaŭčycu, jakaja napadała na ludziej u haradskim pasiołku Kamaryn. Hetuju infarmacyju karespandentu BIEŁTA paćvierdziŭ palaŭnictvaznaviec Raman Haleźnik.

Čytajcie taksama: Na aŭtastancyi ŭ centry Kamaryna voŭk napaŭ na ludziej

Na praciahu apošnich niekalkich dzion u Brahinskim rajonie palaŭničyja sprabavali abiasškodzić niebiaśpiečnuju žyviołu, adnak pryniatyja miery byli biezvynikovymi. «Hrupa palaŭničych ŭ noč z 5 na 6 studzienia padčas abjezdu terytoryi pamiž Kamarynam i vioskaj Biarozki z dapamohaj pryboraŭ načnoha bačańnia vyjaviła bujnoha źviera, jaki bieh u adzinočku pamiž lesam i polem. Paciarpiełyja ad napadaŭ ludzi apisvali vaŭka jak vielmi vialikaha dla pradstaŭnika svajho vidu, — raspavioŭ Raman Haleźnik. — Drapiežnik, jakim akazałasia vaŭčyca, byŭ źniščany».

Paśla adnamu z žycharoŭ Kamaryna, jaki padvierhnuŭsia napadu, byŭ pakazany zabity źvier, i toj apaznaŭ jaho. Ź vielmi vysokaj stupieńniu imaviernaści možna śćviardžać, što likvidavana mienavita taja niebiaśpiečnaja žyvioła, jakuju šukali.

Клас
0
Панылы сорам
0
Ха-ха
0
Ого
0
Сумна
0
Абуральна
0