MUS Biełarusi prapanuje źmiakčyć adkaznaść za nieŭśviadomlenyja łajki pad porna ŭ internecie, paviedamiŭ siońnia žurnalistam načalnik adździeła arhanizacyi pracy inśpiekcyj pa spravach niepaŭnaletnich hałoŭnaha ŭpraŭleńnia achovy pravaparadku i prafiłaktyki MUS Biełarusi Vital Jančyn.

Vital Jančyn źviarnuŭ uvahu, što ŭ pravaprymianialnaj praktycy fiksujucca vypadki, kali karystalniki internetu, u tym liku niepaŭnaletnija, nieśviadoma staviać łajki pad roznaha rodu videa- i fotamateryjałami parnahrafičnaha charaktaru. Tym samym jany aŭtamatyčna stanoviacca dastupnymi dla inšych, a heta ŭžo jość raspaŭsiud. U hetaj suviazi MUS padrychtavała prajekt narmatyŭnaha pravavoha akta ab niekatoraj dekryminalizacyi raspaŭsiudžvańnia parnahrafii ŭ internecie.

U milicejskim viedamstvie prapanujuć pryciahvać ludziej, što ŭpieršyniu ŭčynili takija pravaparušeńni, da administracyjnaj adkaznaści. Kryminalnaja budzie pahražać tym, chto ździejśniŭ ich paŭtorna na praciahu hoda

Клас
0
Панылы сорам
0
Ха-ха
0
Ого
0
Сумна
0
Абуральна
0