Abnoŭleny dekret №3 «Ab praduchileńni sacyjalnaha ŭtrymanstva» zapracuje ŭ poŭnym abjomie z 1 studzienia 2019 hoda. Ab hetym siońnia pa vynikach narady ŭ Łukašenki paviedamiŭ žurnalistam vice-premjer Vasil Žarko.
«Samy važny padychod — heta stymulavańnie zaniataści. Kab maksimalna stvaryć umovy dla stoadsotkavaj zaniataści hramadzian, jakija pavinny pracavać pa svaich mahčymaściach», — skazaŭ vice-premjer.
Pa słovach Vasila Žarko, urad vyznačyć adpaviednyja kryteryi i pieralik pasłuh, košt jakich tyja, chto padpadzie pad normy abnoŭlenaha dekreta, buduć abaviazany kampiensavać u poŭnym abjomie.
