Prezident Irana Chasan Raŭchani, Rasii Uładzimir Pucin i Turcyi Taip Redžep Erdahan sustrelisia ŭ sieradu viečaram u Sočy, kab abmierkavać situacyju ŭ Siryi, paviedamlajuć rasijskija ŚMI.

Karystajučysia pieramohami na supolnym froncie baraćby ź Isłamskaju Dziaržavaju, Rasija takim čynam namahajecca źmianić ustalavany šmat hod tamu bałans na Blizkim Uschodzie. Asabliva intensiŭnyja namahańni ŭ apošnija miesiacy Kreml prykładaje da aciapleńnia stasunkaŭ z Ankaroju, tradycyjnym chaŭruśnikam Zachadu i siabram NATA.

Rasija, jakaja źjaŭlajecca spadkajemcam SSSR, što padtrymlivaŭ Irak u irana-irakskaj vajnie, usprymałasia dastatkova prachałodna i ŭ Iranie. Adnak jahonyja tradycyjna varožyja adnosiny da Zachadu zbližajuć siońniašniuju Maskvu i Tehieran.

Vystupajučy na pres-kanfierencyi paśla zakančeńnia pieramoŭ, Uładzimir Pucin zajaviŭ, što lidary troch krain «adznačyli vykazanuju siryjskim kiraŭnictvam prychilnaść pryncypam mirnaha vyrašeńnia kryzisu, hatoŭnaść pravieści kanstytucyjnuju reformu i svabodnyja padkantrolnyja AAN vybary».

Клас
0
Панылы сорам
0
Ха-ха
0
Ого
0
Сумна
0
Абуральна
0