U Minskim haradskim sudzie razhledžana skarha paeta i hramadskaha dziejača Uładzimira Niaklajeva na prysud za nibyta zakliki da «Maršu aburanych biełarusaŭ 2.0», piša Radyjo Svaboda.

Skarhu Niaklajeva sud nie zadavoliŭ. Razhladaŭ jaje sudździa Maksim Łabko.

1 listapada Leninski rajonny sud Minska pryznaŭ Uładzimira Niaklajeva vinavatym u zakliku da akcyi 21 kastryčnika i asudziŭ na 10 sutak aryštu. Pastanovu vyniesła sudździa Śviatłana Mietlanok.

Siońnia pierad razhladam skarhi zajaŭnik prasiŭ dałučyć da materyjałaŭ miedycynskija daviedki ab stanie zdaroŭja. Palityk miarkuje, što jaho aryštoŭvajuć metanakiravana.

«Apošni kryz, jaki ja pieranios u turmie, byŭ u vieraśni, vielmi ciažki. Heta sistema. Mianie zatrymlivajuć, nie dajuć lekaŭ, davodziać da kryzu i čakajuć, što budzie. Kali minuły raz davali 7 sutak, sa mnoj byli miedycynskija dakumienty, što ja znachodžusia ŭ pieradynsultnym stanie. Sud ich zabraŭ, a potym u spravie ich nie akazałasia», — raskazaŭ sudździ Niaklajeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0