Kiroŭca, jaki źbiŭ ŭ Minsku maci ź dziciem, asudžany da siami hadoŭ pazbaŭleńnia voli. Pra heta paviedamiła BIEŁTA pamočnik staršyni Minskaha haradskoha suda Anastasija Šylvian.

Siońnia ŭ sudzie Partyzanskaha rajona abvieščany prysud u dačynieńni da kiroŭcy, jaki źbiŭ na pierachodzie ŭ Minsku maci ź dziciem u mai. «Mužčyna pryznany vinavatym pa č.4 art.317 (parušeńnie praviłaŭ darožnaha ruchu abo ekspłuatacyi transpartnych srodkaŭ) KK. Jamu pryznačana pakarańnie ŭ vyhladzie pazbaŭleńnia voli na termin 7 hadoŭ z adbyvańniem pakarańnia ŭ kałonii ahulnaha režymu, a taksama z pazbaŭleńniem prava zajmacca dziejnaściu, źviazanaj z kiravańniem transpartnymi srodkami, terminam na piać hadoŭ«, - prainfarmavała Anastasija Šylvian.

Z kiroŭcy taksama spahnana na karyść paciarpiełych 70 tys. rubloŭ, Prysud u zakonnuju siłu nie ŭstupiŭ i moža być abskardžany va ŭstanoŭlenym zakanadaŭstvam paradku.

***

Avaryja adbyłasia ŭ pačatku maja na vulicy Sołtysa ŭ Minsku. BMV jechaŭ z boku vulicy Vaŭpšasava ŭ napramku vulicy Pierachodnaj. Pierad piešachodnym pierachodam mašynu zaniesła i raźviarnuła. U vyniku aŭtamabil źbiŭ na pierachodzie 33-hadovuju žančynu, u jakoj na rukach była 3-hadovaja dačka, a potym urezaŭsia ŭ tralejbus. Žančyna zahinuła na miescy zdareńnia, dzicia na chutkaj pavieźli ŭ balnicu. Akramia hetaha, try pasažyry ŭ BMW atrymali traŭmy roznaj stupieni ciažkaści. Sam kiroŭca byŭ pjany. Akramia taho, pravoŭ kiravańnia aŭtamabilem jon nie mieŭ i nikoli ich nie atrymlivaŭ.

«Jechaŭ u kramu pa vypiŭku». Sudziać pjanaha biaspraŭnika, jaki na piešachodnym pierachodzie naśmierć źbiŭ žančynu ź dziciom na rukach

Клас
0
Панылы сорам
0
Ха-ха
0
Ого
0
Сумна
0
Абуральна
0