25 listapada ŭ minskim kaściole sv. Symona i sv. Aleny (vuł. Savieckaja, 15, aktavaja zała) projdzie biblijny simpozium «Božaje słova 1517 — 2017», padčas jakoha adbudziecca prezientacyja pieršaha aficyjnaha ryma-katalickaha vydańnia Novaha Zapavietu na biełaruskaj movie.

Simpozium prachodzić u miežach śviatkavańnia 500-hodździa vydańnia pieršaj drukavanaj Biblii Franciška Skaryny.

Siekcyja pa pierakładzie liturhičnych tekstaŭ i aficyjnych dakumientaŭ Kaścioła Kamisii Božaha Kultu i Dyscypliny Sakramentaŭ pry Kanfierencyi Katalickich Biskupaŭ u Biełarusi i Minski teałahičny kaledž imia sv. Jana Chryściciela zaprašajuć biskupaŭ, śviataroŭ i kansekravanych asobaŭ, vykładčykaŭ, studentaŭ i vypusknikoŭ kaledža, a taksama ŭsich žadajučych pryniać udzieł u biblijnym simpoziumie «Božaje słova 1517 — 2017».

Pačatak simpoziuma ŭ 10.00. Uračystaja śviataja Imša, jakuju ŭznačalić arcybiskup Tadevuš Kandrusievič, Mitrapalit Minska-Mahiloŭski, staršynia Kanfierencyi Katalickich Biskupaŭ ŭ Biełarusi, adbudziecca ŭ 12.00.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?