Homielski taksist za sadziejničańnie nielehalnym mihrantam straciŭ aŭtamabil i volu, paviedamili ŭ Dziaržpamiežkamitecie.

Ustupiŭ u zakonnuju siłu prysud suda Homielskaha rajona ŭ dačynieńni da 24-hadovaha hramadzianina Biełarusi, jaki akazaŭ sadziejničańnie ŭ niezakonnaj mihracyi.

«U mai hetaha hoda da žychara Homiela — kiroŭcy taksi — z prośbaj ab dapamozie ŭ niezakonnym pierasiačeńni biełaruska-ŭkrainskaj miažy źviarnulisia dvoje hramadzian Banhładeš. Prośba padmacoŭvałasia hrašovaj uznaharodaj. Małady čałaviek pahadziŭsia padvieźci zamiežnikaŭ da dziaržaŭnaj miažy. Bolš za toje, jon pakazaŭ im kirunak ruchu i paraiŭ aptymalny maršrut ruchu va Ukrainu, — raspaviali ŭ Dziaržpamiežkamitecie. — U vyniku sumiesnych dziejańniaŭ pamiežnikaŭ Biełarusi i Ukrainy niaŭdačlivyja mihranty, a taksama kiroŭca taksi byli zatrymanyja».

Hramadzianie Banhładeš pryciahnutyja da administracyjnaj adkaznaści pa art. 23.29 (niezakonnaje pierasiačeńnie miažy), 23.30 (parušeńnie pahraničnaha režymu), 23.55 (parušeńnie zakanadaŭstva ab pravavym stanoviščy zamiežnych hramadzian i asob biez hramadzianstva) KoAP Biełarusi. Nastupnyja 5 hadoŭ im budzie zabaronieny ŭjezd u Biełaruś.

Taksist panios bolš surovaje pakarańnie. Jon pryznany vinavatym pa č. 1. art. 371-1 KK (arhanizacyja niezakonnaj mihracyi). Jamu pryznačanaje pakarańnie ŭ vyhladzie pazbaŭleńnia voli terminam na 2 hady. Aŭtamabil kanfiskavany ŭ dachod dziaržavy.

Клас
0
Панылы сорам
0
Ха-ха
0
Ого
0
Сумна
0
Абуральна
0