Twitter pryniaŭ rašeńnie zabaranić rekłamu z usich akaŭntaŭ, jakija naležać Russia Today (RT) i Sputnik. Adpaviednaja zajava apublikavana na sajcie Twitter, paviedamlaje Dožd́.

U zajavie kampanii takija miery źviazvajuć z «situacyjaj pa ŭmiašańni hetych ahienctvaŭ u prezidenckija vybary ZŠA ŭ 2016 hodzie». Taksama ŭ Twitter vyrašyli vyłučyć na dabračynnyja mety 1,9 miljona dalaraŭ dachodaŭ, atrymanych ad prodažu rekłamy RT i Sputnik z 2011 hoda.

25 kastryčnika u kampanii paviedamili, što ŭviaduć novyja praviły publikacyi rekłamy na fonie abvinavačvańniaŭ u rasijskim umiašańni u amierykanskija prezidenckija vybary šlacham prapahandy ŭ sacyjalnych sietkach.

U pryvatnaści, sacsietka zapuścić «centr prazrystaści», dzie luby karystalnik zmoža atrymać infarmacyju ab krynicach i finansavańni rekłamy, jakaja źjaŭlajecca na staronkach servisu. Novaja sistema pačnie pracu spačatku ŭ ZŠA, a potym — pa ŭsim śviecie.

Клас
0
Панылы сорам
0
Ха-ха
0
Ого
0
Сумна
0
Абуральна
0