Rasijski viertalot, na borcie jakoha znachodzilisia vosiem čałaviek, upaŭ u mora niedaloka ad archipiełaha Špicbierhien, paviedamlaje VVS sa spasyłkaj na vyratavalnuju słužbu Paŭnočnaj Narviehii.

«Viertalot nakiroŭvaŭsia z pasiełka Piramida ŭ Barancburh. Jon źnik z radaraŭ kala 15:35 pa miascovym časie, u 15:45 było paćvierdžanaje krušeńnie», — havorycca ŭ paviedamleńni słužby ŭ tviaery.

Viertalot paciarpieŭ krušeńnie za 2-3 kiłamietry ad Barancburha. Jak paviedamili vydańniu Dagbladet u vyratavalnaj słužbie, havorka idzie pra viertalot MI-8. Da miesca jaho krušeńnia nakiroŭvajucca dva vyratavalnyja sudny i viertalot.

Na dadzieny momant niama infarmacyi pra los ludziej, jakija znachodzilisia na borcie viertalota. Hienkonsulstva Rasii ŭ Barancburhu praviaraje infarmacyju ab katastrofie.

Častku haspadarčaj dziejnaści na archipiełahu zhodna ź jaho asablivym statusam ažyćciaŭlaje Rasija, u asnoŭnym heta zdabyča vuhalu. Joj zajmajecca FHUP «Arktikuhol».

Ananimnaja krynica ahienctva «Interfaks» vykazała zdahadku, što viertalot moh pieravozić vachtavikoŭ kampanii «Arktikuhol». «Viertalot, papiarednie, z vaśmiu vachtavikami-rasijanami paciarpieŭ krušeńnie ŭ terytaryjalnych vodach Narviehii pablizu Špicbierhiena», — skazała krynica.

Клас
0
Панылы сорам
0
Ха-ха
0
Ого
0
Сумна
0
Абуральна
0