Biełaruski pop-karol Alaksandr Saładucha sfatahrafavaŭsia ŭ Baranavičach u kurtcy z rasijskim hierbam. I vielmi ździviŭsia, što jamu paśla hetaha ŭvieś dzień telefanujuć žurnalisty.

«Hetaja kurtka — padarunak. Ja vystupaŭ u Maskvie, mianie zaprašaŭ bahaty siabar na ŭšanavańnie zbornaj Rasii pa matabole, jakaja vyjhrała załatyja miedali na čempijanacie Jeŭropy. Ja tam śpiavaŭ. I siabar padaravaŭ mnie hetuju kurtku. Jana ciopłaja, kłasnaja, ja jaje našu, — raspavioŭ śpiavak. — Heta nie formiennaja spartovaja kurtka. Zvyčajnaja, «chatniaja».

Pra toje, što vopratka z rasijskaj simvolikaj moža ŭsprymacca niehatyŭna, Alaksandr Saładucha nikoli nie čuŭ.

«Čamu? Heta ž naša brackaja kraina, heta pieršaje. Heta ž našy rodnyja braty, vy što. Druhoje: ja tam naradziŭsia, choć ja i biełarus i maje baćki biełarusy. Ukraina, moža, ź imi i kanfliktuje, ja viedaju. A my čamu pavinny? — ździŭlajecca Saładucha. — Mnie siońnia telefanujuć, kažuć, što hrymić užo ŭsia kraina na moj kont. Ale ž što tut takoha? Nu, padaryli kurtku. Nu i što, što hierb Rasii? Ja moh by nabyć kurtku ŭ luboj krainie ź lubym hierbam — Italii, naprykład, i nasić».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?