Premijaj imia Paŭła Šaramieta, zasnavanaj Forumam hramadzianskaj supolnaści «Ŭschodniaha partnerstva», uhanaravany Afhan Muchtarły — niezaležny azerbajdžanski žurnalist-daśledčyk, jakoha specsłužby vykrali ŭ Hruzii 29 traŭnia i tajna pieravieźli ŭ Azerbajdžan, paviedamlaje «Radyjo Svaboda».

Jak paviedamlaje sajt forumu hramadzianskaj supolnaści «Ŭschodniaha partnerstva», siońnia premiju ŭručyli jahonaj žoncy Lejle Mustafajevaj, pakolki jaje muž dahetul znachodzicca ŭ turmie. Žurnalisty z 16 krainaŭ patrabujuć jahonaha vyzvaleńnia. Afhan Muchtarły pisaŭ artykuły ab niezakonnym trafiku i kantrabandzie praź miažu Azerbajdžanu.

Cyrymonija ŭznaharodžańnia adbyvałasia ŭ Talinie, dzie adbyvajecca štohadovaja asambleja Forumu hramadzianskaj supolnaści krainaŭ Uschodniaha partnerstva.

Lejła Mustafajeva paviedamiła, što jaje muž pieradaŭ praz advakata list sa zvarotam da ŭdzielnikaŭ forumu, ale potym advakata abšukali i kanfiskavali hety dakument.

Letaś hetaj premijaj byŭ adznačany krymski žurnalist Mikoła Semena, jaki supracoŭničaŭ z Radyjo Svaboda i aryštavany rasiejskimi akupacyjnymi ŭładami Krymu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?