U Kramli nie płanujuć pravodzić mierapryjemstvy ŭ honar stahodździa Kastryčnickaj revalucyi 1917 hoda, zajaviŭ pres-sakratar prezidenta Rasii Dźmitryj Piaskoŭ. Na ŭdakładniajučaje pytańnie, ci praduhledžvalisia jany z samaha pačatku, jon adkazaŭ: «Nichto ni ad čaho nie admaŭlaŭsia».

«A ŭ suviazi z čym heta treba śviatkavać, patłumačcie mnie. Nie zusim razumieju pytańnia», — skazaŭ Piaskoŭ.

Hazieta Financial Times pisała, što prezident Uładzimir Pucin 7 listapada nie budzie brać udziełu ŭ mierapryjemstvach da stahodździa revalucyi, arhanizataram jakich vystupić KPRF. Uviečary, pa dadzienych haziety, adbudziecca pryjom u «prościeńkim» hateli «Reniesans Maskva Manarch Centr» na Leninhradskim praśpiekcie.

Financial Times piša pra niecharakternaje «dystancyjavańnie» Pucina ad «znamianalnaha histaryčnaha jubileju», bo za čas jahonaha kiravańnia historyja stała «jašče bolš važnym ideałahičnym instrumientam umacavańnia nacyjanalnaha adzinstva i mabilizacyi hramadskaj padtrymki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?