Dva z troch karystalnikaŭ Twitter, jakija pišuć na ruskaj movie ab prysutnaści NATA va Uschodniaj Jeŭropie — heta tak zvanyja «boty».

Pra heta havorycca ŭ dakładzie Centra stratehičnych kamunikacyj NATA (STRATCOM) pad nazvaj «Robotrolling».

U NATA padličyli, što hetyja bot-akaŭnty ŭ cełym stvarajuć 84% ruskamoŭnych paviedamleńniaŭ. U anhłamoŭnaj prastory taksama isnuje mocnaje prysutnaść rasijskich botaŭ: kožny čaćviorty aktyŭny akaŭnt źjaŭlajecca robatam i ŭ cełym jany vydajuć 46% usiaho anhłamoŭnaha kantentu.

Z čatyroch krain - Estonija, Łatvija, Litva i Polšča - Estonija najčaściej źjaŭlajecca mišeńniu bot-paviedamleńniaŭ. Tady jak u Polščy i Litvie nie nazirali takoj aktyŭnaj dziejnaści aŭtamatyzavanych akaŭntaŭ.

Ekśpierty analizavali tvity, napisanyja ŭ pieryjad ad 1 sakavika da 30 žniŭnia 2017 hoda, u jakich zhadvalisia NATA i Estonija, Łatvija, Litva ci Polšča.

Paraŭnańnie kolkaści tvitaŭ, napisanych botami i realnymi karystalnikami ŭ krainach Bałtyi i Polščy.

Paraŭnańnie kolkaści tvitaŭ, napisanych botami i realnymi karystalnikami ŭ krainach Bałtyi i Polščy.

Adznačajecca, što pieravažnaja bolšaść paviedamleńniaŭ botaŭ — apalityčny spam. Ahulnaja kolkaść tvitaŭ skłała kala 32 tysiač, ź jakich kožny treci byŭ napisany na ruskaj.

Kolkaść aktyŭnych karystalnikaŭ — 11600, ź ich kožny čaćviorty pisaŭ na rasiejskaj. Takim čynam, ruskamoŭnyja karystalniki ŭ siarednim udvaja bolš aktyŭnyja za anhłamoŭnych botaŭ.

«Na našu dumku, Twitter u ruskamoŭnym siehmiencie kantralujecca nie tak efiektyŭna, jak u anhłamoŭnym. Niahledziačy na vysokuju prysutnaść aŭtamatyzavanaj dziejnaści, u razhladany pieryjad nie zafiksavana maštabnych skaardynavanych bot-kampanij», - havorycca ŭ spravazdačy.

Aktyŭnaść botaŭ vahałasia ŭ adpaviednaści z peŭnymi padziejami.

Aktyŭnaść botaŭ vahałasia ŭ adpaviednaści z peŭnymi padziejami.

Adznačajecca, što ŭsplosk ruskamoŭnych paviedamleńniaŭ dasiahnuŭ maksimumu ŭ mai / u pačatku červienia, padčas bujnych vučeńniaŭ NATA, tady jak anhłamoŭnyja paviedamleńni aktyŭna raspaŭsiudžvalisia ŭ sakaviku i krasaviku, kali zachodnija vojski prybyli ŭ Bałtyju.

Na praciahu razhladanaha pieryjadu kolkaść anhłamoŭnych paviedamleńniaŭ była stabilnaj - prykładna 3400 u miesiac. Ruskamoŭny kantent bolš vahaŭsia: zvyčajna było kala 2000 paviedamleńniaŭ u miesiac, ale ŭ lipieni adbyłosia źnižeńnie da 1100.

Ruskamoŭny kantent datyčyŭsia ŭ asnoŭnym navin ab vajskovych vučeńniach, razhortvańni vojskaŭ i niaznačnych incydentach, u jakich brali ŭdzieł vajskoŭcy.

Anhłamoŭny kantent bolš datyčyŭsia ŭnutranych i zamiežnapalityčnych prablem ZŠA, u pryvatnaści kamientaryjaŭ Donalda Trampa ab Aljansie i jaho vizitu u Polšču ŭ pačatku lipienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?