Viktar Janukovič, eks-prezident Ukrainy zaniaty baćkoŭskimi kłopatami. Jak stała viadoma strana.ua z krynic u asiarodździ Janukoviča, 67-hadovy Viktar Fiodaravič haduje małodšaha syna, jakomu zaraz kala troch hadoŭ. Hramadzianskaja žonka Luboŭ Palažaj naradziła ŭ Rasii ŭ 2014 hodzie.

Atrymlivajecca, što jana pakinuła Ukrainu paśla padziej na Majdanie, budučy ŭžo ciažarnaj.

U lutym hetaha hoda Viktar Fiodaravič daŭ intervju haziecie Der Spiegel, u jakim raspavioŭ, što razyšoŭsia z žonkaj Ludmiłaj. Ich sumiesnaje žyćcio praciahvałasia kala 45 hadoŭ. Taksama jon paćvierdziŭ, što žyvie ŭ nieaficyjnym šlubie ź siastroj svajoj byłoj kucharki — Luboŭju Palažaj.

Adnak paźniej hałoŭnamu redaktaru Der Spiegel pryjšoŭ adkryty list ad pres-słužby byłoha ŭkrainskaha prezidenta, u jakim havaryłasia, što śćviardžeńni pra razvod źjaŭlajucca zdahadkami i pry publikacyi artykuła byli dapuščanyja faktyčnyja pamyłki.

U Palažaj (u dziavoctvie Sadykava) jość dačka Maryja ad pieršaha šlubu. Dziaŭčynka razam z maci žyła ŭ Miežyhorji, a potym źjechała ŭ Rastoŭ.

ViktarJanukovič ad šlubu ź pieršaj žonkaj Ludmiłaj mieŭ dvuch darosłych synoŭ, Alaksandra i Viktara. Jany razam z baćkam źbiehli ŭ Rasiju paśla Majdana. Viktar u 2015 hodzie zahinuŭ padčas ladovych aŭtahonak na voziery Bajkał: mašyna pravaliłasia pad lod.

Ludmiła Janukovič žyvie ŭ Krymie.

Клас
0
Панылы сорам
0
Ха-ха
0
Ого
0
Сумна
0
Абуральна
0