Na futbolnym čempijanacie Biełarusi siońnia startavali matčy 18-ha tura, paviedamlaje karespandent BiełTA. Dziejnyja čempijony krainy futbalisty barysaŭskaha BATE prymali na svaim poli bresckaje «Dynama» i damahlisia minimalnaj pieramohi - 1:0.

Pačatak hetaha pajadynku zastałosia za bieraściejcami, zatym inicyjatyvu pierachapili haspadary. Potym hości znoŭ byli bolš aktyŭnyja ŭ asnoŭnym za košt vostrych pieradač Arcioma Mileŭskaha, ale jaho partniory nie vykarystoŭvali vyhadnyja momanty.

Bližej da pierapynku barysaŭcy stvaryli halavy momant, adnak hałkipier Žeremi Malerb byŭ na vyšyni. Adrazu paśla adnaŭleńnia hulni barysaŭcy praviali pryhožuju ataku, i Michaił Hardziajčuk skarystaŭsia dakładnym pasam Mirka Ivaniča - 1:0. Heta ŭžo 9-j hoł dla Hardziejčuka, jon dahnaŭ lidara bambardzirskaj honki minskaha dynamaŭca Antona Saroku.

Adrazu paśla prapuščanaha miača bieraściejcy nie vykarystoŭvali dobruju mahčymaść zraŭniać lik. Tut ža adzin ź lideraŭ BATE Ihar Stačevič pajšoŭ da bramy Malerba, ale paśla jaho ŭdaru miač prajšoŭ u santymietrach ad stojki.

U dalejšym abiedźvie kamandy praviali niamała atak, ale vynik nie źmianiŭsia i BATE vyjšaŭ na druhuju pazicyju ŭ turnirnaj tablicy. Bresckaje «Dynama» pierad hetym matčam atrymała try viktoryi zapar.

U inšym siońniašnim pajadynku «Isłač» u Minsku prajhrała haściam z «Haradziei» z bujnym likam 0:4. Pačatak razhromu pakłaŭ Dźmitryj Ihnacienka, zatym abaronca haspadaroŭ Alaksandr Łohinaŭ adpraviŭ miač u svaje varoty. Paśla pierapynku halavy dubl aformiŭ brazilski lehijanier haściej Tajnan Viełkier.

Stanovišča ŭ hrupie lidaraŭ paśla siońniašnich sustreč: «Šachcior» - 40 ačkoŭ (17 matčaŭ; roźnica miačoŭ - 25/07), BATE - 39 (18; 28/08), «Dynama» (Minsk) - 37 (17; 25- 9).

U subotu, 12 žniŭnia, adbuducca 3 pajadynku: «Słuck» - «Nioman» (Hrodna), «Viciebsk» - «Naftan» (Navapołack), «Krumkač» (Minsk) - «Dniepr» (Mahiloŭ). Zavieršycca 18-y tur 13 žniŭnia - lidar turniru salihorski «Šachcior» prymie ŭ siabie doma «Minsk», staličnaje «Dynama» na svaim poli zhulaje z žodzinskim «Tarpieda-BiełAZam», a ŭ Mazyry miascovaja «Słavija» sustreniecca z susiedziami z «Homiela».

Клас
0
Панылы сорам
0
Ха-ха
0
Ого
0
Сумна
0
Абуральна
0