Prezydent ZŠA Donald Tramp zajaviŭ, što amerykanskaje vojska znachodzicca « u poŭnaj bajavoj hatoŭnaści» na vypadak «nieabdumanych» dziejańniaŭ Paŭnočnaj Karei.

U svaim tvitery Tramp vykazaŭ nadzieju, što lider KNDR Kim Čen Yn źmienić svoj kurs. Pierad hetym dziaržaŭnaje infarmacyjnaje ahienctva KNDR abvinavaciła amerykanskaha lidera ŭ nahniatańni napružanaści.

U piatnicu ž ahienctva Associated Press paviedamiła ab tajemnych dyplamatyčnych kantaktach pamiž amerykanskim i paŭnočnakarejskim vysokapastaŭlenymi pradstaŭnikami, jakija abmiarkoŭvajuć u tym liku i dvuchbakovyja adnosiny. Pa słovach krynicy Associated Press, pierapiska specpradstaŭnika ZŠA pa KNDR i supracoŭnika paŭnočnakarejskaj misii pry AAN nie pryviała da pasłableńnia napružanaści, ale moža pasłužyć asnovaj dla bolš surjoznych pieramovaŭ. Paŭnočnaja Kareja pakul nie kamentuje hetuju infarmacyju.

Štodzionny abmien Vašynhtona i Pchieńjana pahroźlivymi replikami vyklikaŭ zaniepakojenaść mnohich suśvietnych lideraŭ. Niamieččyna, Kitaj i Rasija zaklikali ŭsie baki da strymanaści.

ZŠA i Paŭdniovaja Kareja, u svaju čarhu, zajavili ab praciahu padrychtoŭki da šyrokamaštabnych sumiesnych vajennych vučeńniaŭ u žniŭni, jakija raniej KNDR nazvała «repetycyjaj vajny».

Pchieńjan adprečvaje pryniatuju 5 žniŭnia rezalucyju Rady Biaśpieki AAN ab značnym uzmacnieńni žorstkaści sankcyj suprać KNDR u adkaz na jaje niadaŭnija zapuski balistyčnych rakiet, jakija, jak śćviardžajecca, zdolnyja nieści jadzierny zarad i dalacieć da Złučanych Štataŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?