U Staŭbcoŭskim rajonie chłopiec paśla svarki ź dziaŭčynaj złamaŭ dzieviać darožnych znakaŭ, paviedamili BiełTA ŭ pres-słužbie UUS Minabłvykankama.

Pakarabačanyja i vydranyja ź ziamli darožnyja znaki vyjavili pracoŭnyja pablizu vioski Novy Śvieržań i paviedamili ŭ milicyju. Było sapsavana dzieviać darožnych znakaŭ, ź jakich try niemahčyma paramantavać.

Na miescy zdareńnia ekśpierty znajšli ślady dałoni mierkavanaha padazravanaha - 21 hadovaha žychara Stoŭbcaŭ, u jakoha ŭžo jość sudzimaść za kradziež. Paźniej vyśvietliłasia, što na čarhovaje złačynstva jaho šturchnuła svarka ź dziaŭčynaj.

Śledčyja vyśvietlili, što da chulihanstva datyčny taksama 18-hadovy znajomy chłopca. Darožnyja znaki jon źniščaŭ za kampaniju. Raspačataja kryminalnaja sprava, abodvum pahražaje da 6 hadoŭ pazbaŭleńnia voli za złosnaje chulihanstva.

Клас
0
Панылы сорам
0
Ха-ха
0
Ого
0
Сумна
0
Абуральна
0