Najbolš hienietyčna madyfikavanyja žyvioły ŭ śviecie mohuć dapamahčy vyrašyć prablemu niedachopu donarskich orhanaŭ, śćviardžajuć amierykanskija navukoŭcy. Karespandent Bi-bi-si daviedaŭsia pra detali daśledavańnia.

Navukoŭcy paśpiachova pazbavili 37 śviniej virusaŭ, schavanych u ich DNK. Tak daśledčyki pieraadoleli vialikuju pieraškodu ŭ transpłantacyi orhanaŭ hetych žyvioł čałavieku.

Tym nie mienš, kamanda eGenesis pryznaje, što čałaviečy arhanizm moža nie pryniać orhan. Hetaja pahroza zastajecca vialikim vyklikam dla navukoŭcaŭ.

Daśledavańnie apublikavaŭ časopis Science.

Daśledniki vykarystali technałohiju źmieny hienaŭ Crispr, kab vydalić virusy z DNK žyvioł.

U vyniku naradzilisia 37 zdarovych śviniej.

«Heta pieršyja śvińni biez endahiennych retravirusaŭ», - raspavioŭ BBC News doktar Łuha Janh, adzin z daślednikaŭ Harvardskaha ŭniviersiteta.

Jany taksama «najbolš hienietyčna madyfikavanyja žyvioły z punktu hledžańnia kolkaści madyfikacyj, jakija jany prajšli», - dadaŭ jon.

Kali ksienatranspłantacyja - vykarystańnie orhanaŭ inšych vidaŭ - spracuje, to ludziam, mahčyma, bolš nie daviadziecca doŭha čakać transpłantantaŭ.

Bolš za 100 000 čałaviek majuć patrebu ŭ transpłantacyi orhanaŭ u Štatach. U Brytanii ŭ liście čakańnia orhanaŭ - 6500 čałaviek.

Pa pamiery orhany śviniej i čałavieka adnolkavyja, i žyvioł možna vyroščvać u vialikaj kolkaści. Tamu navukoŭcy ŭskładajuć vialikija nadziei na hetych žyvioł dla ksienatranspłantacyi.

Ale vydaleńnie virusaŭ z DNK śviniej - tolki pałova pośpiechu.

Pierasadka orhanaŭ moža paciahnuć mocny imunny supraciŭ arhanizma, navat kali heta orhany ad čałavieka. U vypadku takoj reakcyi orhan prychodzicca vydalać.

Ekśpierty kažuć, što navukoŭcam treba pieraadoleć jašče šmat pieraškod, pakul ksienatranspłantacyja stanie biaśpiečnaj dla čałavieka.

Клас
0
Панылы сорам
0
Ха-ха
0
Ого
0
Сумна
0
Абуральна
0