U Consumer Reports źjavilisia vyniki niekamiercyjnaha daśledavańnia, padčas jakoha było apytana kala 90 tysiač uładalnikaŭ partatyŭnych kampjutaraŭ. 25% karystalnikaŭ Microsoft Surface zajavili, što sutyknulisia z prablemami ŭ pracy aparataŭ pad kaniec druhoha hoda vałodańnia imi.

Niaspraŭnaści zaklučalisia ŭ niečakanych adklučeńniach pryład, zavisańni i niekarektnaj pracy sensarnych dyspłejaŭ, rastłumačyŭ redaktar Consumer Reports Džery Biejlinsan.

Pavodle jaho słovaŭ, stabilnaść pracy techniki Microsoft u cełym akazałasia horš, čym u inšych vytvorcaŭ. Samyja ž nadziejnyja pryłady — u Apple, dadaŭ jon.

Varta adznačyć, što Consumer Reports — adno z samych aŭtarytetnych vydańniaŭ u śviecie. Jaho ekśpierty samastojna testujuć techniku. Časopis daražyć reputacyjaj niezaležnaha, tamu nie raźmiaščaje rekłamu na svaich staronkach, nie prymaje prapanovaŭ na testavańnie abstalavańnia i nie dazvalaje vykarystoŭvać vyniki ahladaŭ u rekłamie praduktaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0