Čuvašskaha aktyvista «Adkrytaj Rasii» Dźmitryja Siamionava aštrafavali na try tysiačy rubloŭ za repost naviny pra toje, jak jaho sudzili za repost fatahrafii z deputatam Dziarždumy Vitalom Miłonavym, piša VVS. 

U listapadzie 2016 hoda Dźmitryja Siamionava aštrafavali na dźvie tysiačy rubloŭ za dva reposty fatahrafij Miłonava ŭ futbołcy z łozunham «Pravasłaŭje abo śmierć», choć samomu deputatu nikoli nie davodziłasia apraŭdvacca pierad śledčymi za hety słohan.

Paśla hetaha Siamionaŭ repostnuŭ navinu ab sudovych pasiadžeńniach, dzie ŭ podpisy znoŭ byŭ hety łozunh. Tady na Siamionava zaviali jašče adnu administracyjnuju spravu ab raspaŭsiudzie ekstremisckich materyjałaŭ.

Jak paviedamlaje «Adkrytaja Rasija», da hetaha kibieraktyvista aštrafavali na tysiaču rubloŭ za pierapost fatahrafii byłoha «narodnaha hubiernatara» Danieckaj vobłaści Paŭła Hubarava ŭ formie RNIE, emblema jakoha ŭjaŭlaje z sabie raznavidnaść svastyki.

U 2010 hodzie Čaromuškinski sud Maskvy pryznaŭ słohan «Pravasłaŭje abo śmierć» ekstremisckim, ale praz hod Lublinski sud Maskvy ŭžo nie znajšoŭ u słohanie prykmiet raspalvańnia varožaści.

Sam Vital Miłonaŭ taksama ličyć, što łozunh na jaho futbołcy nielha ličyć ekstremisckim. Adnak, niahledziačy na rašeńnie Lublinskaha suda, łozunh pa-raniejšamu zastajecca ŭ fiederalnym śpisie ekstremisckich materyjałaŭ pad numaram 865.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?