Jeŭrapiejski parłamient pryniaŭ rezalucyju, u jakoj znoŭ zaklikaŭ Maskvu da pavahi terytaryjalnaj cełasnaści Ukrainy, paviedamlaje Radyjo Polšča.
Jeŭrapiejski parłamient damahajecca ad Rasii nieadkładnaha i biezumoŭnaha vyzvaleńnia ŭsich hramadzian Ukrainy, jakija niezakonna ŭtrymlivajucca ŭ miescach pazbaŭleńnia voli na terytoryi Rasii ci na akupavanych joju častkach Ukrainy.
Rezalucyja rašuča asudžaje ŭčynienuju Rasijskaj Fiederacyjaj anieksiju Kryma i Sievastopala, bo taja parušaje mižnarodnaje prava. Deputaty najbujniejšych frakcyj źviartajuć uvahu na paharšeńnie situacyi ŭ Krymie ŭ halinie pravoŭ čałavieka.
«Parušeńnie svabody słova, zapałochvańnie, cisk na ŚMI i prymus da pryniaćcia rasijskaha hramadzianstva stanoviacca normaj», — napisana ŭ rezalucyi. Jeŭrapiejski parłamient zaklikaje Rasiju da nieadkładnaha rasśledavańnia ŭsich vypadkaŭ parušeńnia pravoŭ čałavieka.